Sangharshyatra

कोरोनाच्या पार्श्वभूमीवर केस कापणे महागणार  *उद्या सोमवार दि.१ जून पासून नवीन  दर लागू करणार केस कापणे १००रु, दाढीसाठी  ६० रू बीड प्रतिनिधी : सलून दुकानात येणाऱ्या ग्राहकांना कोरोनाची बाधा होऊ नये , यासाठी खबरदारी घेण्याच्या सूचना राज्य शासनाने केल्या आहेत. त्यांची काटेकोर अंमलबजावणी केली जाणार आहे . त्यामुळे उद्या १ जूनपासून राज्यासह बीड जिल्ह्यात केस कापण्याच्या व दाढीच्या दरात वाढ केली जाणार असल्याची माहिती वीर जिवा महाले प्रतिष्ठानचे अध्यक्ष तथा महाराष्ट्र नाभिक आरक्षण समिती प्रदेश कार्याध्यक्ष किशोर गाडेकर आणि नाभीक दुकान मालक संघटनेचे बीड शहराध्यक्ष सुनिल दोडके यांनी  प्रसिद्धीस दिलेल्या पत्रकातुन दिली.  या पत्रकात किशोर गाडेकर, आणि सुनील दोडके पुढे म्हणतात की, राज्य शासनाने दिलेल्या आदेशानुसार सलूनमध्ये येणाऱ्या ग्राहकाला कोरोनाची बाधा होऊ नये, सलूनमधील कारागिराला बाधा होऊ नये , यासाठी सलूनमध्ये वापरले जाणारे सर्व साहित्य निर्जंतुकीकरण करून वापरावे लागणार आहेत. तसेच ग्राहकाला सलुन मध्ये आल्यावर हात हॅन्डवॉशने स्वच्छ करा...

* बीड जिल्हयातील आज ३८  स्वॅब तपासणीसाठी पाठविले.* बीड प्रतिनिधी: कॉविड 19 च्या निश्चित निदानासाठी बीड जिल्ह्यातील खाली दर्शविल्याप्रमाणे थ्रोट स्वॅब आज सकाळी 6.45 वाजता विलासराव देशमुख  शासकीय वैद्यकीय विज्ञान संस्था लातूर येथे पाठविण्यात आले आहेत अशी माहिती जिल्हा आरोग्य अधिकारी डॉ आर बी पवार यांनी दिली आहे.  जिल्ह्यातील विविध तालुकानिहाय पाठविण्यात आलेल्या स्वॅबची माहिती पुढील प्रमाणे आहे. 1)  जिल्हा सामान्य रुग्णालय 18 2)  स्वाा. रा. ती. ग्रा. वै .म. अंबाजोगाई    02 3)  उपजिल्हा रुग्णालय केज  03 4)  ग्रामीण रुग्णालय, आष्टी          00 5)  ग्रामीण रुग्णालय, माजलगाव    05 6)  उपजिल्हा रुग्णालय, गेवराई      00 7)  उपजिल्हारुग्णालय,  परळी      10 ०००००

* १जून पासून विनाअनुदानित उच्च माध्यमिक शिक्षकांचे अन्नत्याग आंदोलन*   *राज्यातील विनाअनुदानित उच्च माध्यमिक शिक्षक व्हेंटिलेटरवर* *बीड (प्रतिनिधी) :-* महाराष्ट्र राज्य उच्च माध्यमिक शिक्षक हक्काचं वेतन अनुदान मिळत नाही यासाठी १जून पासून सरकारच्या नाकर्ते पणा मुळे प्राणांतिक अन्नत्याग आंदोलन करत आहेत.राज्यातील ३६ जिल्ह्यातील विविध तालुक्यातील विनाअनुदानित उच्च माध्यमिक शिक्षक स्वतःच्या घरीच अन्नत्याग आंदोलन करणार आहेत.या आंदोलनाची निवेदने राज्यभर  तहसीलदार,जिल्हाधिकारी यांना  देण्यात आली आहेत.महाराष्ट्र राज्य उच्च माध्यमिक कनिष्ठ महाविद्यालयीन शाळा कृती संघटनेतर्फे मुख्यमंत्री उद्धव ठाकरे,उपमुख्यमंत्री अजित पवार,शिक्षण मंत्री वर्षा गायकवाड आदींना निवेदने देण्यात आली आहेत.राज्यातील विनाअनुदानित शिक्षक राज्य शासनाच्या अनागोंदी कारभाराला पुरते कंटाळले असून  अन्नत्यागासारखे आंदोलन करीत असल्याची माहिती संघटनेचे राज्याध्यक्ष प्रा दीपक कुलकर्णी,राज्य कार्याध्यक्ष प्रा संतोष वाघ,राज्य सचिव प्रा अनिल परदेशी, राज्य उपाध्यक्ष प्रा. राहुल कांबळे यांनी सांगितले.गेली २० वर्षे अनुद...

कंटेनमेंट झोनमधील लॉकडाऊन ३० जूनपर्यंत वाढवला, अन्य भाग टप्प्याटप्प्याने खुला होणार नवी दिल्लीः कोरोना संसर्गामुळे देशभरात लागू करण्यात आलेल्या लॉकडाऊनची मुदत उद्या रविवारी संपत असतानाच केंद्र सरकारने शनिवारी देशातील कंटेनमेंट झोनमधील लॉकडाऊनला ३० जूनपर्यंत मुदतवाढ दिली आहे. केंद्रीय गृहमंत्रालयाने ही घोषणा केली. कंटेनमेंट झोन वगळता देशातील अन्य भागातील आर्थिक व्यवहार टप्प्याटप्प्याने सुरू करण्यात येतील, असेही गृह मंत्रालयाने स्पष्ट केले आहे. कोरोना विषाणूचा संसर्ग रोखण्यासाठी लागू करण्यात आलेल्या लॉकडाऊनचा चौथा टप्पा उद्या रविवारी संपत आहे. २५ मार्च रोजी देशात पहिल्यांदा लॉकडाऊन घोषित करण्यात आला होता. कंटनेमेंट झोनमध्ये अत्यंत कठोरपणे लॉकडाऊनची अंमलबजावणी केली जाईल, असे गृहमंत्रालयाने जारी केलेल्या आदेशात म्हटले आहे.  राज्य सरकारे आणि केंद्र शासित प्रदेशांशी चर्चा करून लॉकडाऊनच्या पाचव्या टप्प्यातील मार्गदर्शक सूचना निश्चित करण्यात आल्या आहेत. गृहमंत्री अमित शाह यांनी शुक्रवारी देशातील विविध राज्यांच्या मुख्यमंत्र्यांशी चर्चा केली होती. त्यानंतर त्यांनी पंतप्रधान नरें...

37 जण निगेटिव्ह तर आणखी एक पॉझिटिव्ह 37 जण निगेटिव्ह तर आणखी एक पॉझिटिव्ह बीड.30(प्रतिनिधी):-बीड जिल्ह्यातून आज 38 जणांचे स्वॅब तपासणीसाठी पाठवण्यात आले होते. त्यापैकी 37 जणांचे रिपोर्ट निगेटिव्ह आले असून एक जण कोरोना पॉझिटिव्ह असल्याचा रिपोर्ट आला आहे.   बीड जिल्ह्यामध्ये शुक्रवारी मोठ्या प्रमाणावर दिलासा मिळाल्यानंतर आज शनिवार रोजी 38 जणांचे स्वॅब तपासणीसाठी पाठवण्यात आले होते. त्यापैकी 37 जणांचे रिपोर्ट निगेटिव्ह आले असून एक जण कोरोना पॉझिटिव्ह असल्याचा रिपोर्ट आला आहे. हा तरुण मुंबईहून आलेला असून तो पाटोदा तालुक्यातील डोंबरी येथील रहिवाशी असल्याचे समजते.  

देशातील लॉकडाऊन 30 जून पर्यंत वाढवला शनिवारी केंद्राने 30 जूनपर्यंत कंटेनमेंट झोनमधील लॉकडाऊन वाढविला. या झोनच्या बाहेर टप्प्याटप्प्याने सर्व आर्थिक कामे सुरू करता येणार आहेत. कोरोनायरस प्रादुर्भावामुळे आवश्यक असलेल्या देशव्यापी लॉकडाऊनचा चौथा टप्पा उद्या संपणार होता. कंटेन्ट झोनमध्ये लॉकडाउनची कडक अंमलबजावणी केली जाईल, असे या आदेशात म्हटले आहे. राज्ये आणि केंद्रशासित प्रदेशांशी व्यापक सल्लामसलत केल्यानंतर नवीन मार्गदर्शक तत्त्वे जारी करण्यात आली आहेत. गृहमंत्री अमित शहा यांनी गुरुवारी मुख्यमंत्र्यांशी झालेल्या चर्चेला आळा घातला. त्यानंतर त्यांनी पंतप्रधान मोदींची भेट घेतली आणि विविध मुख्यमंत्र्यांकडून आलेल्या आदानांची माहिती दिली. त्या नंतर आज   शनिवार रोजी गृहमंत्रालयाने लॉकडाऊन वाढविला. पहिल्या टप्प्यात, आदेशानुसार सार्वजनिक, हॉटेल्स, रेस्टॉरंट्स आणि अन्य आतिथ्य सेवा आणि शॉपिंग मॉल्ससाठी धार्मिक स्थळे आणि पूजास्थळे 8 जूनपासून सुरू करण्यास परवानगी देण्यात आली आहे. सामाजिक अंतर सुनिश्चित करण्यासाठी आणि कोविड -१ o  चा प्रसार रोखण्यासाठी आरोग्य मंत्रालय वरील क्रि...

बीड शहरासह बारा गावातील संपुर्ण संचार बंदी हटवली बीड: जिल्हाधिकारी बीड यांनी संपूर्ण बीड शहरात लागू केलेली संचारबंदी रात्री 2 वाजता हटवली. तसे आदेश त्यांनी जारी केले आहेत. त्यामुळे सकाळी 7:30 ते सायंकाळी 6:30 पर्यंत सर्व दुकाने उघडी ठेवण्यास परवानगी देण्यात आली आहे. कारेगाव ता. पाटोदा येथील रुग्णाच्या संपर्कात आलेले प्रत्यक्ष नागरिकांचे स्वब आज निगेटिव्ह आढळून आले. त्यामुळे शहरातील नागरिकांनी सुटकेचा निःश्वास सोडला. बीड शहरातील या भागात संचारबंदी १. मोमीनपुरा-अशोकनगर, जयभवानीनगर,सावतामाळी चौक, संभाजीनगर बालेपीर येथील परिसरात प्रतिबंधात्मक आदेश कायम ठेवणे ठेवण्यात येत आहे. २. या कार्यालयाचे दिनांक २८/०५/२०२० रोजीचे किराणा सेवा घरपोच पुरविणे, बँका बाबत व अत्यावश्यक सेवेबाबत काढलेले ( फिरते दुध विक्रेते, जार वाटर सप्लायर्स इ. बाबतचे) तीनही आदेश रदद करण्यात येत आहेत. ३. यापूर्वी या कार्यालयाने दिनांक २५/०५/२०२० रोजी काढलेले आदेश पूर्ववत करण्यात येत आहेत. ज्याद्वारे जिल्हयातील सर्व भागांना (Conatinament व परवानगी देण्यात आलेली होती. Buffer Zone वगळून) सकाळी ७.३० ते सध...

बीड जिल्ह्यातील 116 जणांचे रिपोर्ट निगेटिव्ह तर 2 जणांचे अहवाल प्रलंबित बीड,दि.29 (प्रतिनिधी):-कोरोनाचा संसर्गाचे प्रमाण चांगलेच फौफावले आहे. बीड जिल्ह्यातील 118 जणांचे स्वॅब आज लातूरला पाठवण्यात आले होते. त्यापैकी 116 जणांचे निगेटिव्ह आले आहेत तर रात्री उशिरा पर्यंत 2जणांचे रिपोर्ट प्रलंबित होते. _________________________ दोन प्रलंबीत अहवालापैकी एक अहवाल पॉझिटीव्ह बीड : दोन प्रलंबीत अहवालापैकी एक अहवाल पॉझिटीव्ह आला असून अन्य एक अहवालाबाबत कुठलाही निष्कर्ष काढता आलेला नाही, अशी माहिती लातूरच्या प्रयोगशाळेने अधिकृत प्रेसनोट काढून दिली आहे. महिला पॉझिटिव्ह पॉझिटीव्ह आढळलेली रुग्ण ही महिला असून ती मुंबईहून आलेली आहे. तर केजच्या एका अहवालाबाबत कुठलाही निष्कर्ष निघालेला नसल्याची माहिती जिल्हा आरोग्य अधिकारी डॉ.राधाकिसन पवार यांनी दिली. ________________________

मुंबई उच्च न्यायालयाचे सेवानिवृत्त न्यायमूर्ती, माजी आमदार बॅ.बी. एन. देशमुख यांचे निधन मुंबई प्रतिनिधी मुंबई उच्च न्यायालयाचे सेवानिवृत्त न्यायमूर्ती,माजी आमदार बॅ.बलभिमराव नरसिंगराव देशमुख ( बी.एन.) देशमुख काटीकर (८५वर्षे) यांचे मध्यरात्री १.३० चे सुमारास औरंगाबाद येथे निधन झाले आहे. त्यांचे पार्थिवावर आज सकाळी १० वाजता औरंगाबाद येथेच अंत्यसंस्कार करण्यात येणार आहेत. त्यांच्या पश्चात मुलगा सुन दोन नातवंडे असा परिवार आहे. शेतकरी कामगार पक्षाचे नेते माजी राज्यसभा सदस्य अँड.नरसिंहराव देशमुख यांचे पुत्र, माजी खासदार उध्दवराव पाटील यांचे ते भाच्चे होत. शेतकरी कामगार पक्षाचे नेते होते. उच्च व सर्वोच्च न्यायालयात ते वकिली करत असताना राज्य विधान परिषदेवर त्यांची निवड झाली होती. नंतर त्यांची उच्च न्यायालयाचे न्यायमूर्ती म्हणून नियुक्ती झाली होती. शेतकरी ,कष्टकरी कामगार तसेच सामाजिक प्रश्रावर त्यांनी उच्च न्यायालयात दिलेले अनेक निर्णय ‘ऐतिहासिक’ ठरले होते.

३ जून रोजी मुंडे साहेबांना घरात आवडीचा पदार्थ करून अन् दोन दिवे लावून अभिवादन करा-            माजी मंत्री पंकजा मुंडे  बीड प्रतिनिधी: भाजपचे दिवंगत नेते गोपीनाथ मुंडे यांची 3 जून रोजी पुण्यतिथी आहे. कोरोनाचे संकट आणि लॉकडाऊनमुळे पुण्यतिथी घरीच थांबून करायची. या दिवशी साहेबांच्या आवडीचा पदार्थ करायचा आणि घरातच फोटोसमोर दोन दिवे लावून अभिवादन करायचे, असे आवाहन माजी मंत्री पंकजा मुंडे यांनी केले आहे. कोरोनाचे संकट आणि लॉक डाऊन मुळे अवघा देश आणि महाराष्ट्र लॉकडाऊन झाल्याने अनेक सामाजिक ,धार्मिक कार्यक्रम बंद आहेत. विविध विधीकार्य मोजक्या माणसांच्या उपस्थितीत होत आहेत.   ३ जून रोजी स्व. गोपीनाथराव मुंडे यांची पुण्यतिथी असून या दिवशी स्व. मुंडे यांच्या अनुयायांनी काय करावं या बाबत आज राज्याच्या माजी मंत्री  पंकजा मुंडे यांनी सोशल मीडियाच्या माध्यमातून पोष्ट करून सांगितले. या वेळी त्यांनी  3 जून रोजी गोपीनाथ मुंडे यांच्या पुण्यतिथीचा कार्यक्रम गोपीनाथ गडावरच होणार आहे. हा कार्यक्रम लाईव्ह असेल कोणीही गडावर गर्दी करु नये, अशा सू...

हाजी शेख ज़ुबेर यांना विश्व मानवाधिकार परिषदकडून कोरोना वॉरियर्स पुरस्कार प्रदान बीड (प्रतिनिधी) - शहरातील सामाजिक कार्यकर्ते हाजी शेख ज़ुबेर ईसाक़ हे गेल्या दोन महिन्यापेक्षा जास्त कालावधीपासून लॉक डाऊन च्या काळात सर्वसामान्य, गोरगरीब, हात मजुरांना सढळ हस्ते करत असलेल्या अन्नधान्य व किराणा सामान वाटपाच्या मदत कार्याची नोंद घेऊन लखनऊ येथील विश्व मानवाधिकार परिषद वर्ल्ड ह्यूमन राइट्स कौन्सिल ने त्यांना कोरोना वॉरियर्स पुरस्कार देऊन सन्मानित केले.     कोरोना महामारीमुळे चारचौघात जाऊन मिसळणे, वावरणे म्हणजे फार जोखमीचे झाले आहे. परंतु महामारी ला घाबरून प्रत्येक जण आपापल्या घरीच बसून राहिला तर सर्वसामान्य, गोरगरीब, हातमजूरांच्या पोटाचे व जीवनाचे काय ? या प्रश्नाकडे लक्ष देऊन शहरातील सहृदयी सामाजिक कार्यकर्ते हाजी शेख ज़ुबेर इसाक़ यांनी स्वतः सह आपल्या जीवाभावाच्या तरुणांना एकत्रित करून अन्नधान्य आणि किराणा सामान वाटप करण्याचे कार्य हाती घेतले आहे. विशेष म्हणजे दानधर्म करताना  फक्त मुस्लिम धर्मियांनाच नाही तर सर्व जाती धर्मातील गरजूवंतांना त्यांनी आतापर्यंत जीवनावश्यक अन...

* स्वाधार योजनेचा लाभ आता तालुकास्तरावर - ना. धनंजय मुंडे* *शहरापासून 5 किमी हद्दीची मर्यादाही 10 किमी पर्यंत वाढवणार !* *अनुसूचित जातीच्या विद्यार्थ्यांना होणार मोठा लाभ* मुंबई (दि. 28) ---- : शासकीय वसतिगृहात प्रवेशास पात्र असूनही प्रवेश न मिळू शकलेल्या 11 वी व त्यापुढील उच्च शिक्षण घेणाऱ्या अनुसूचित जाती व नवबौद्ध विद्यार्थ्यांना देण्यात येणारी स्वाधार योजना मोठी शहरे, महानगरपालिका, जिल्ह्याचे ठिकाण यापूरती मर्यादित न ठेवता आता तालुकास्तरावर शिक्षण घेणाऱ्या विद्यार्थ्यांनाही या योजनेचा लाभ देण्यात येणार असल्याची माहिती सामाजिक न्याय मंत्री धनंजय मुंडे यांनी दिली. तसेच पूर्वीच्या शासन निर्णयाप्रमाणे शहरापासून 5 किमी हद्दीपर्यंत महाविद्यालयात शिक्षण घेणाऱ्या विद्यार्थ्यांनाच या योजनेतील सवलती लागू होत्या, ही मर्यादा आता 10 किमी पर्यंत वाढविण्यात येणार असल्याचेही ना. मुंडे म्हणाले. मंत्रालयात बुधवारी भारतरत्न डॉ बाबासाहेब आंबेडकर स्वाधार योजनेच्या संदर्भात घेतलेल्या महत्त्वपूर्ण बैठकीत हा निर्णय घेण्यात आला.  या बैठकीला विभागाचे मुख्य सचिव पराग जैन, सहसचिव द...

कॉविड 19 च्या निश्चित निदानासाठी बीड जिल्ह्यातील खाली दर्शविल्याप्रमाणे थ्रोट स्वब आज सकाळी 6.45 वाजता वि.दे.शा.वि.सं.लातूर येथे पाठविण्यात आले आहेत. 1) जिल्हा सामान्य रुग्णालय 27 2)SRTR.  आंबाजोगाई      01 3)उप जिल्हा रुग्णालय केज  00 4)ग्रा रुग्णालया आष्टी          03 5)ग्रामीण रुग. माजलगाव    00 6)उपजिल्हा रुग. गेवराई      03 7)उपजिल्हा रुग.  परळी      07         आज पाठविण्यात आलेले सॅम्पल एकूण                               41

बीड शहरासह जिल्ह्यातील बारा गावात आठ दिवस संपूर्ण कर्फ्यूं लागू !  बीड दि .27 ( प्रतिनिधी ) : बीड जिल्ह्यात कोरोनाचे रुग्ण वाढत असून पॉझिटिव्ह ठरलेल्या एका रुग्णाने बीड शहरात अनेक ठिकाणी मोटारसायकलवर भेटी दिल्याची धक्कादायक माहिती समोर आली आहे . त्यानंतर पुढील आठ दिवस संपूर्ण बीड शहरासह जिल्ह्यातील बारा गावात पूर्णत: कर्फ्यूं लावण्याची घोषणा बीडचे जिल्हाधिकारी राहुल रेखावार यांनी केली आहे . त्यामुळे बुधवारी रात्री बारा वाजल्या पासून पुढील आठ दिवस शहरासह बारा गावे पूर्णत : बंद राहणार आहे .          बीड जिल्ह्यात बाहेर जिल्ह्यातून आलेल्या लोकांना कोरोनाची बाधा झाल्याचे समोर येत आहे . त्यातीलच एक बाधित रुग्ण बीड शहरात अनेक ठिकाणी फिरल्याची माहिती प्रशासनाला मिळाली आहे . बुधवारी जिल्हा प्रशासनाने बीड शहरातील काही भाग कंन्टेन्मेन्ट झोन म्हणून जाहीर केले होते . त्यानंतर आता संपूर्ण बीड शहरासह जिल्ह्यातील बारा गावे पुढील आठ दिवसांसाठी बंद ठेवण्याचे आदेश जिल्हाधिकारी राहुल रेखावार यांनी दिले आहेत .   या काळात बीड शहरासह बारा गावात संपूर्ण...

  यंदा मान्सून जूनच्या सुरवातीलाच येणार  मुंबई प्रतिनिधी: महाराष्ट्रात मान्सून यंदा सरासरीपेक्षा जास्त बरसणार आहे . 1-2 जूनला मान्सूनपूर्व पाऊस संपूर्ण महाराष्ट्रात कोसळण्याची शक्यता आहे . नेहमीपेक्षा जास्त रेंगाळून 8 ऑक्टोबरला मान्सूनचा परतीचा प्रवास सुरू होईल , असं हवामान खात्यानं म्हटलंय. 27 मे रोजी विदर्भ , मध्य महाराष्ट्र आणि मराठवाड्यात उष्णतेची लाट येईल . 28 आणि 29 मे रोजी विदर्भ येथे उष्णतेची लाट येईल . असा अंदाज हवामान खात्याने वर्तवला आहे .  घरी थांबा - सुरक्षित राहा . संघर्ष यात्रा बीड

सीमेवर चीनच्या हालचाली , मोदींनी घेतली उच्चस्तरीय बैठक नवी दिल्ली  (वृत्तसंस्था):  लडाख सीमारेषेपलीकडून चीनच्या हालचाली सुरू आहेत . यामुळे भारत - चीन यांच्यात तणावाचे वातावरण निर्माण झालंय . चीनचे राष्ट्राध्यक्ष जिनपिंग यांनी लडाखमध्ये तीनपट सैन्य तयार केलंय . या पार्श्वभूमीवर पंतप्रधान नरेंद्र मोदींची तिन्ही दलांच्या प्रमुखांसोबत बैठक झाली . तिन्ही दलांनीही तयारीबाबत ब्लूप्रिंट मोदींना दिली . या बैठकीत राष्ट्रीय सुरक्षा सल्लागार अजित डोवाल , बिपिन रावतही उपस्थित होते . घरी थांबा - सुरक्षित राहा. संघर्ष यात्रा बीड

युध्दासाठी तयार राहा , चीनच्या राष्ट्राध्यक्षांचे सैन्याला आदेश ? नवी दिल्ली वृत्तसंस्था: चीनचे राष्ट्राध्यक्ष शी जिनपिंग यांनी त्यांच्या सैन्याला सज्ज राहण्यासाठी आदेश दिले आहेत . यामुळे तणाव निर्माण होऊ शकेल ? असा प्रश्न अनेकांना पडलाय . मात्र जिनपिंग यांनी हा इशारा कोरोना पार्श्वभूमीवर दिलाय . कोरोना वैश्विक महामारीचा देशाच्या संरक्षण यंत्रणेवर होणारा दूरगामी परिणाम पाहता या परिस्थितीला तोंड देण्यासाठी लष्कराने युद्धासाठी सज्ज व्हावं असा इशारा त्यांनी दिला आहे , असे समजते .  घरी थांबा - सुरक्षित राहा. संघर्ष यात्रा बीड

देशात तापमानाचा पारा चढला नवी दिल्ली  (वृत्तसंस्था):  भारताच्या अनेक भागात तापमानाचा पारा चढताना दिसत आहे . दिल्लीमध्ये काल ( मंगळवार ) सर्वाधिक म्हणजेच 46 ते 47 अंश सेल्शिअस इतक्या तापमानाची नोंद करण्यात आली . 1944 नंतर तापमानाने इतका उच्चांक गाठल्यामुळं सर्वांनाच भीषण उष्णतेचा सामना करावा लागत आहे . राजस्थानमध्ये असणाऱ्या चुरू येथे पारा थेट 50 अंश सेल्शिअसवर पोहोचला होता . हवामान विभागातील संशोधक रवींद्र सिंग यांनी याविषयीची माहिती दिली . घरी थांबा - सुरक्षित राहा . संघर्ष यात्रा बीड

शाळा - कॉलेज कधी सुरू होणार ?; केंद्रीय गृहमंत्रालयाचा चर्चांवर पूर्णविराम  नवी दिल्ली (वृत्तसंस्था): कोरोना पार्श्वभूमिवर बंद असलेल्या शाळा कधीपासून सुरु होणार याबाबत सर्वत्र चर्चा सुरु आहेत . या चर्चांवर केंद्रीय गृहमंत्रालयाने पुर्णविराम दिला आहे . देशभरातील शाळा , महाविद्यालय तसेच शैक्षणिक संस्था सुरू करण्यासाठी कोणतीही परवानगी देण्यात आली नसल्याची माहिती केंद्रीय गृहमंत्रालयाने दिली आहे . सध्या राज्य सरकार शाळा केव्हा सुरु करावी याविषयी चर्चा करत आहेत . अद्याप कोणताही अंतिम निर्णय झालेला नाही .  घरी थांबा - सुरक्षित राहा . संघर्ष यात्रा बीड

दहावीच्या विद्यार्थ्यांना इतर विषयांच्या सरासरी इतकेच गुण भूगोल विषयात मिळणार ! मुंबई (प्रतिनिधी) कोरोनामुळे दहावीचा भूगोलचा शेवटचा पेपर शिक्षण विभागाकडून रद्द करण्यात आला होता . मात्र गुणपत्रिकेत या विषयाच्या गुणपद्धतीबाबत राज्य माध्यमिक व उच्च माध्यमिक शिक्षण मंडळाने निर्णय जाहीर केला आहे . इतर विषयांच्या लेखी परीक्षांच्या गुणांच्या सरासरी एवढे गुण भूगोल विषयाला देण्यात येतील . शिक्षण मंडळाच्या अध्यक्षा शकुंतला काळे यांनी यासंबंधी माहिती दिली .  घरी थांबा - सुरक्षित राहा .

आज महाविकास आघाडीच्या मित्रपक्षांची 'वर्षावर ' तातडीची बैठक मुंबई – राज्यात कोरोनाचं संकट वाढत असताना मुख्यमंत्री उद्धव ठाकरे यांनी महाविकास आघाडीच्या मित्रपक्षांची बैठक बोलावली आहे. काँग्रेसचे माजी अध्यक्ष राहुल गांधी यांच्या मंगळवारच्या विधानानंतर राज्यात हालचाली वाढल्या आहेत. महाराष्ट्रात काँग्रेसचा सरकारला पाठिंबा आहे पण काँग्रेस डिसिजन मेकर नाही त्यामुळे राज्यातील काँग्रेसचं सरकारमध्ये अस्तित्व नसल्याचं चित्र दिसून येत आहे. मंगळवारी राज्यात झालेल्या घडामोडीनंतर तातडीने मुख्यमंत्री उद्धव ठाकरेंनी ही बैठक बोलावली आहे. वर्षा बंगल्यावर ही बैठक होणार आहे. महाराष्ट्रातील ठाकरे सरकार स्थिर आहे असा दावा शिवसेना नेते करत असले तरी सरकारमध्ये बिघाडी असल्याचं राज्यातील घडामोडींवरुन दिसते. शरद पवारांनी राज्यपाल भगतसिंह कोश्यारी यांची भेट घेऊन मातोश्रीवर जाऊन मुख्यमंत्री उद्धव ठाकरेंसोबत २ तास चर्चा केली. महाराष्ट्र सरकारवर अस्थिरतेचे सावट असल्याची चर्चा राजकीय वर्तुळात आहे.  शरद पवार आणि संजय राऊत यांनी राज्यपालांची भेट घेऊन कोरोना महा...

* बीड जिल्हयातील आज एकूण 46  व्यक्तींचे स्वॅब तपासणीसाठी पाठविण्यात आले आहेत.* कॉविड 19 च्या निश्चित निदानासाठी बीड जिल्ह्यातील खाली दर्शविल्याप्रमाणे थ्रोट स्वब आज सकाळी 6.45 वाजता विलासराव देशमुख  शासकीय वैद्यकीय  महाविद्यालय  व संशोधन लातूर येथे पाठविण्यात आले आहेत अशी माहिती जिल्हा आरोग्य अधिकारी डॉ आर बी पवार यांनी दिली आहे.  जिल्ह्यातील विविध तालुकानिहाय पाठविण्यात आलेल्या स्वॅबची माहिती पुढील प्रमाणे आहे. 1)  जिल्हा सामान्य रुग्णालय 20 2)  स्वाा. रा. ती. ग्रा. वै .म. अंबाजोगाई      00 3)  उपजिल्हा रुग्णालय केज  09 4)  ग्रामीण रुग्णालय, आष्टी          02 5)  ग्रामीण रुग्णालय, माजलगाव    05 6)  उपजिल्हा रुग्णालय, गेवराई      03 7)  उपजिल्हारुग्णालय,  परळी      07 ०००००

* हाळंब, कारेगांव व बारगजवाडी येथे कन्टेनमेंट झोन घोषित* *पूर्णवेळ संचारबंदी लागू--जिल्हाधिकारी राहुल रेखावार* बीड, दि.27:- हाळंब येथे २, कारेगांव येथे १ व बारगजवाडी येथे २ कोरोना विषाणूचे लागण (COVID-१९ Positive)झालेले  रुग्ण आढळून आले आहे, त्यामुळे संबंधित क्षेत्रात कन्टेनमेंट झोन घोषित करण्यात आले असून फौजदारी प्रकिया दंड सहिंता १९७३ चे कलम १४४ नुसार पूर्णवेळ संचारबंदी लागू केली आहे असे आदेश जिल्हाधिकारी राहुल रेखावार यांनी दिले आहेत .    याबाबत अहवाल जिल्हा आरोग्य अधिकारी,बीड यांनी सादर केला आहे. त्यामुळे जिल्हयात इतर ठिकाणी कोरोना विषाणूचा प्रादुर्भाव होऊ नये म्हणून परळी वै. तालूक्यातील हाळंब या गावापासून ३ कि.मी. परिसरातील हाळंब,हेळंब,खोडवा सावरगांव, भोजनकवाडी, दैठणाघाट व खोडवा सावरगांवतांडा  तसेच पाटोदा तालूक्यातील कारेगांव या गावापासून ३ कि.मी. परिसरातील  कारेगांव, कारेगांव भोसलेवस्ती, कठाळवाडी, जन्नेवाडी, नाळवंडी त्यालगतचा शिरुर का. तालूक्यातील उखळवाडी, मोरजळवाडी व येवलवाडीनाथ (जानपीर) आणि शिरुर कासार तालूक्यातील बारगजवाडी या गावापासून ३ कि....

बीड जिल्ह्यात आणखी ६ पॉझिटीव्ह धक्कादायक बीड जिल्ह्यात आणखी 6 पॉझिटिव्ह , बीड प्रतिनिधी: आत्ताच हाती आलेल्या वृत्तानुसार बीड जिल्ह्यातील आणखी 6 स्वॅब पॉझिटिव्ह आले आहेत. सध्या बीड जिल्ह्यातील  कोरोना बाधीत रुग्णांची संख्या  आता 47 वर पोहोचली आहे. पॉझिटिव्ह आलेल्या रुग्णांपैकी 4 रुग्ण हे बीड शहरातील  असून 2 रुग्ण हे परळीतील असल्याचे सांगण्यात आले आहे. दरम्यान आज 28 स्वॅब तपासणीसाठी पाठविण्यात आले होते. यातील 22 स्वॅब हे निगेटिव्ह आले आहेत.

* पालकमंत्री धनंजय मुंडे यांची कोरोना उपाययोजना काळात जिल्ह्यात 8 वी बैठक!* *आरोग्यविषयक उपाययोजनांसह सर्व विभागांचा घेतला समग्र आढावा* *लॉकडाऊन शिथिलता काळात नागरिकांनी सोशल डिस्टन्ससह नियमांचे पालन करावे - ना. धनंजय मुंडे* बीड (दि. 26) ---- : जिल्ह्याचे पालकमंत्री ना. धनंजय मुंडे यांनी कोरोना संदर्भात जिल्हाधिकारी कार्यालयात आज जिल्हाधिकारी व अन्य अधिकाऱ्यांसह जिल्ह्यातील लोकप्रतिनिधींसह महत्वपूर्ण बैठक घेतली. लॉकडाऊनच्या पहिल्या दिवसापासून ही 8 वी बैठक होती. या बैठकीदरम्यान ना. मुंडे यांनी जिल्ह्यातील वाढत्या रुग्णसंख्येवर चिंता व्यक्त केली. जिल्ह्यातील कोरोना रुग्णालये, खाटा, व्हेंटिलेटर्स, औषध साठा यासह विविध सुविधांचा आढावा घेतला. केंद्र व राज्य सरकारच्या मार्गदर्शक सूचनांनुसार जिल्ह्यात बाहेरून येणाऱ्या नागरिकांना परवानगी देण्यात आली, त्यानंतर जिल्ह्यात आतापर्यंत 41 रुग्ण कोरोना पॉझिटिव्ह आढळून आले आहेत. ना. मुंडे यांनी या आढावा बैठकीत जिल्ह्यात आणखी वेगाने सुरू झालेली कापूस खरेदी, बी बियाणांची उपलब्धता आदी विषयांकडेही लक्ष वेधले. बीड जिल्ह्यात वार्षिक वि...

* जिल्ह्यातील कोविड-19 पॉझिटिव्ह रूग्ण आढळलेल्या गावांसह 85 गावातील  92866 लोकसंख्या सर्वेक्षण* *जिल्हाधिका्री राहुल रेखावार*    दि.26. (जि. मा. का) जिल्ह्यात कोविड-19 पॉझिटिव्ह पॉझिटिव्ह रूग्ण आढळलेल्या गावांसह एकूण 85 गावांमध्ये व त्याच्या परिसरामध्ये  घरोघर सर्वेक्षण करुन संशयित रुग्ण शोध, त्यांना संदर्भ सेवा व कोविड-19 बाबत प्रभावी जनजागृती करण्यात येत आहे यामध्ये दि. २५ अखेर एकूण 17448 घरातील 92866 लोकसंख्येला सर्वेक्षण करण्यात येत आहे जिल्हाधिका्री राहुल रेखावार यांनी सांगितले आहे.   कोरोना विषाणूचा प्रादुर्भाव झाला असल्याने बीड जिल्ह्यात संसर्ग रोखण्यासाठी प्रतिबंधात्मक उपाययोजना करण्यात येत आहेत.  आत्तापर्यंत ४९ स्वॅब नमूने पॉझिटिव्ह आढळले आहेत.  तसेच आतापर्यंत जिल्ह्यातून  तपासलेले स्वॅब नमुने 901असून 830 नमूने  निगेटिव्ह आहेत.  प्रलंबित अहवाल ३० तर इनकन्क्लुजिव अहवाल २२ आहेत.  पॉझिटिव पैकी आतापर्यंत एक रुग्ण बरा होऊन घरी सोडण्यात आला असून एकाचा मुत्यु झालेला आहे. ४९ थ्रोट स्वॅब नमुने पॉझिटिव्ह नमुने  आले अ...

बीड जिल्हा रुग्णालयातुन उद्या दोन कोरोनाच्या रुग्णांना डिस्चार्ज देणार बीड - जिल्ह्यात आतापर्यंत ३९ कोरोनाबाधित रुग्ण उपचार घेत आहेत. त्यापैकीच २ रुग्ण पूर्णपणे बरे झाले असून त्यांना उद्या बुधवार रोजी डिस्चार्ज देण्यात येणार असल्याचे जिल्हा शल्यचिकित्सक डॉ. अशोक थोरात यांनी सांगितले. त्यामुळे बीडकरांना काही प्रमाणात का होईना दिलासा मिळाला आहे.   बीडमध्ये बुधवारी दोन कोरोनाच्या रुग्णांना देणार डिस्चार्ज सुरुवातीच्या काळात बीड जिल्ह्यात एकही कोरोनाचा रुग्ण नव्हता. मात्र, पुणे-मुंबई येथून आलेल्या नागरिकांमध्ये कोरोनाचे विषाणू आढळून आले. त्यानंतर बीड जिल्ह्यातील कोरोनाबाधितांची संख्या झपाट्याने वाढली. सद्यस्थितीत बीड जिल्हा रुग्णालयात 39 कोरोना पॉझिटिव्ह रुग्णांवर उपचार सुरू आहेत. एकंदरीत या सगळ्या परिस्थितीत बीड जिल्ह्यासाठी आनंदाची बातमी येत आहे. ती म्हणजे म्हणजे उपचार सुरू असलेले सर्व रुग्ण उपचाराला चांगला प्रतिसाद देत आहेत. या एकूण रुग्णांपैकी दोन रुग्ण उद्या बुधवार रोजी बरे होऊन घरी जातील, अशी माहिती डॉ. थोरात यांनी दिली आहे.

बीडमध्ये आणखी दोन कोरोना पॉझिटिव्ह बीड प्रतिनिधी: बीडचे काल प्रलंबित असलेल्या सात अहवालांचा निष्कर्ष आला असून यातील दोन अहवाल पॉझिटीव्ह  तर 5 निगेटीव्ह आले आहेत. यामुळे बीड जिल्ह्यात उपचार घेत असलेल्या कोरोना रूग्णांची संख्या आता 41 झाली आहे.    रविवार रोजी बीड जिल्ह्यातून मोठ्या प्रमाणात स्वॅब पाठविण्यात आले होते. त्यातील पन्नास निगेटीव्ह आल्याने बीड जिल्हावासियांना  काहीसा दिलासा मिळाला होता. मात्र उरलेल्या सातपैकी दोनजण पॉझिटी आले असून ते बीड शहरातील नवगण कॉलेज परिसरातील असल्याचे समजते. त्यामुळे नागरिकांनी खबरदारी घेत घरी राहून सुरक्षित राहिले पाहिजे.

बीड जिल्ह्यातील 50 जणांचे रिपोर्ट निगेटिव्ह तर 7 जणांचे प्रलंबित बीड प्रतिनिधी: बीडमधून आज पाठविण्यात आलेल्या 57 स्वॅब पैकी 50 अहवाल निगेटिव्ह आले असून राजुरी मधील क्वॉरंटाईन केलेल्या मृत व्यक्तीचा अहवालही निगेटिव्ह आला आहे. मात्र उर्वरीत 7 अहवाल प्रलंबीत आहेत. यामध्ये बीड रुग्णालयातील 5 आणि माजलगावच्या 2 रुग्णांचा समावेश आहे.

* विद्यार्थ्यांना केंद्रबिंदू मानून त्यांचे शैक्षणिक नुकसान होणार नाही असाच अंतिम सत्राच्या परीक्षाबाबत निर्णय घेतला जाईल – उदय सामंत* मुंबई, दि. २५ : मुख्यमंत्री उद्धव ठाकरे यांनी सांगितल्याप्रमाणे राज्यातील विद्यार्थ्यांच्या अंतिम वर्षाच्या परीक्षांसंदर्भातील   विद्यार्थ्यांना केंद्रबिंदू मानून त्यांचे शैक्षणिक नुकसान होणार नाही असाच विद्यार्थांच्या हिताचा निर्णय घेतला जाईल. असे उच्च व तंत्र शिक्षण मंत्री उदय सामंत यांनी सांगितले. श्री. सामंत म्हणाले, अंतिम सत्राच्या परीक्षेसंदर्भात काय निर्णय घ्यावा, याबद्दल राज्यपाल महोदयांशी सविस्तर चर्चा झाली असून राज्य समितीने दोन दिवसांमध्ये परीक्षेसंदर्भात एक प्रारूप आराखडा तयार करून तो अहवाल राज्यपाल महोदय आणि शासनास सादर करावा आशा सूचना  आज व्हिडिओ कॉन्फरन्सच्या माध्यमातून  कुलगुरुंसोबत झालेल्या बैठकीमध्ये  देण्यात आल्या.  अंतिम वर्षांच्या विद्यार्थ्यांना ग्रेड देऊन पुढे पाठवायचे की कसे, यावरही चर्चा करण्यात आली. हा निर्णय घेत असताना एकाही विद्यार्थांचे शैक्षणिक नुकसान होऊ नये  आणि  विद्यार्थ्यांच्या भव...

* राज्यात कोरोनाचे एकूण रुग्ण ५२ हजार ६६७ त्यापैकी आतापर्यंत*  *१५ हजार ७८६ रुग्णांना घरी सोडले* -*आरोग्यमंत्री राजेश टोपे* मुंबई, दि.२५: राज्यातील कोरोनाबाधीत रुग्णांची एकूण संख्या ५२ हजार ६६७ झाली आहे. आज  २४३६ नविन रुग्णांचे निदान झाले आहे. राज्यात आज ११८६ कोरोनाबाधित रुग्णांना घरी सोडण्यात आले असून आतापर्यंत राज्यभरात १५ हजार ७८६ रुग्ण बरे झाले आहेत.*राज्यात सध्या ३५ हजार १७८ रुग्णांवर उपचार सुरू* असल्याचे आरोग्यमंत्री राजेश टोपे यांनी आज सांगितले.  आज एका दिवसात राज्यभरातून ११८६ रुग्णांना घरी सोडण्यात आले. त्यामध्ये सर्वाधिक ९०० रुग्ण मुंबई मंडळात सोडण्यात आले आहे. मुंबई महापालिका क्षेत्रामध्ये ५०१, ठाणे ३३७, पालघर १६, रायगड ४६, नाशिक ४, जळगाव, ३, पुणे १०९, सोलापूर २, कोल्हापूर ३, सांगली ३, रत्नागिरी ९, औरंगाबाद ९४, जालना २, हिंगोली १, लातूर १०, उस्मानाबाद २, अकोला १७, अमरावती ४ आणि नागपूर २३ रुग्णांना घरी सोडण्यात आले आहे.   राज्यात आतापर्यंत पाठविण्यात आलेल्या ३ लाख ७८ हजार ५५५ नमुन्यांपैकी ५२ हजार ६६७ जण पॉझिटिव्ह आले आहेत. राज्यात ५ लाख ३० ह...

* कोरोना उपचारांसाठी मुंबईत जम्बो सुविधांची निर्मिती* १. बीकेसी येथे एमएमआरडीने १५ दिवसांत उभारले देशातील पहिले ओपन हॉस्पिटल ( १००० बेड्सची जम्बो सुविधा ). याचठिकाणी २०० बेड्सची आयसीयू सुविधाही २. महालक्ष्मी येथे कोरोना केअर सेंटरचे काम सध्या युद्धपातळीवर सुरु.६०० बेड्सची सुविधा यात १२५ बेडचे आयसीयू वॉर्ड असतील. कोविड १९च्या मध्यम लक्षणे असलेल्या रुग्णांना येथे ठेवले जाईल.  ३. नेसको गोरेगाव येथे ५३५ बेड्सची सुविधा असलेली जम्बो सुविधा कोरोना रुग्णांसाठी  रेसकोर्स, दहिसर, गोरेगाव, मुलुंड येथे ७००० पेक्षा जास्त बेड्सची सुविधा असलेली डेडीकेटेड कोविड हॉस्पिटल सेंटर आणि डेडीकेटेड कोविड हॉस्पिटल पुढील २ आठवड्यात   ३१ मे पर्यंत एसएससीआय वरळी,महालक्ष्मी, बांद्रा, व नेसको, गोरेगाव अशा मिळून २४७५ खाटा असलेल्या सुविधा रुग्ण सेवेत प्रत्येक वॉर्डमध्ये किमान १०० खाटा आणि २० आयसीयू खाटा असलेल्या रुग्णालयांची सुविधा ताब्यात घेतली.  स्वत:च्या विलगीकरणाची सोय नसलेल्या कोविड रुग्णांसाठी ३० हजार खाटा क्षमतेच्या कोव्हीड केअर सेंटरची व्यवस्था  मुंबईतील खाटांचे नियोजन आता संगणकाच्...

*लॉकडाऊनच्या आदेशात बदल, प्रतिबंधित बाबी व्यतिरिक्त इतर बाबींना सुरु करण्यास परवानगी--जिल्हाधिकारी राहुल रेखावार* *परवानगी असलेल्या आस्थापना, दुकाने सकाळी ७.३० ते सायंकाळी ६.३० वाजेपर्यतच्या कालावधीत दररोज चालू  *सामाजीक अंतर राखले न गेल्यास उपस्थित नागरिक व दुकानदारांवर कडक कारवाई  बीड,  दि. २५:- जिल्हयातील व्यवसायांच्या व उद्योगांच्या कामकाजाविषयीचे याआधीचे लॉकडाऊन काळातील सर्व आदेश अधिक्रमित करण्यात आले आहेत  , प्रतिबंधित बाबी व्यतिरिक्त इतर बाबींना सुरु करण्यास परवानगी असेल निर्देश जिल्हाधिकारी राहुल रेखावार यांनी दिले आहेत.  राज्य शासनाचे आदेशान्वये सदर निर्देश देण्यात आले आहेत. या अनुषंगाने  कोव्हीड-१९ विषयक सामाजिक अंतर व स्वच्छतेचे सर्व नियम पाळणे बंधनकारक राहतील. सर्वच नागरिकांनी अतिशय जबाबदारीने वागणे आवश्यक असल्याचे आदेशात नमूद केले आहे.  *पुढिल काही बाबी जिल्हयात पुढील आदेशापर्यंत खालील सूचनांप्रमाणे प्रतिबंधित असतील. याव्यतिरिक्त इतर बाबींना सुरु होण्यास परवानगी देण्यात आली आहे.* A) सर्व स्थानिक व आंतराष्ट्रीय विमान प्रवास सेवा...

उद्यापासून बीडचे मार्केट सुरू -जिल्हाधिकारी बीड प्रतिनिधी उद्यापासून बीड शहरातील दुकाने सकाळी 7.30 ते सायंकाळी 6.30 पर्यंत चालू राहणार आहेत. यामध्ये हॉटेल्स, सिनेमागृहे, दारूची दुकाने, पानटपरी हे बंद असणार असल्याचेही प्रशासनाच्या वतीने सांगण्यात आले आहे. तसेच सार्वजनिक ठिकाणी तंबाखुजन्य पदार्थ सेवन करण्यास बंदी आहे. शहरातील केशकर्तनालय, सलून, ब्युटी पार्लर उघडण्यासाठी अटी व शर्तीवर परवानगी देण्यात आली असून सोशल डिस्टन्स पाळणे गरजेचे असल्याचेही सांगण्यात आले आहे. ज्या ठिकाणी नियमांचे उल्लंघन होईल त्यांच्यावर कायदेशीर कारवाई करण्यात येणार असल्याचेही कळते.

सामाजिक ऐक्य आणि सद् भावनेचे प्रतीक असलेल्या पवित्र अशा रमजान ईद सणाच्या आपणास आणि आपल्या परिवारास माझ्या आणि माझ्या परिवारा कडून मनःपूर्वक शुभेच्छा..!!!               श्री.आत्माराम वाव्हळ                          पत्रकार बीड.                                   💐💐💐

बीड शहरातील संभाजी नगर , बालेपीरच्या काही भागात कंटेनमेंट झोन घोषित बीड प्रतिनिधी: शहरातील संभाजीनगर बालेपीर येथील चार व्यक्तींच्या संपर्कातील एका व्यक्तीस  कोरोना , विषाणूचे लागण ( COVID - १ ९ Positive ) झालेली आसल्याचे आढळून आला आहे . त्या अनुषंगाने जिल्हाधिकारी रेखावार यांनी काही भागात कंटेनमेंट झोन घोषित केला आहे . आजपासून हा भाग पुढील अनिश्चित काळासाठी पूर्णवेळ बंद करण्यात आला आहे . बीड जिल्हाधिकारी यांनी काढलेल्या आदेशात म्हटले आहे की , संभाजी नगर बालेपीर भागातील शेख खलीलोद्यीन शेख हफीजोद्यीन यांच्या घरापासून ते विजयकुमार किसनराव वीर यांच्या घरापर्यंतचा परिसर कन्टेनमेंट झोन ( Containment zone ) जाहिर करणे आवश्यक आहे , असा अहवाल जिल्हा आरोग्य अधिकारी , बीड यांनी सादर केला आहे . त्या अनुषंगाने संभाजी नगर बालेपीर भागातील शेख खलीलोद्यीन शेख हफीजोद्यीन यांच्या घरापासून ते विजयकुमार किसनराव विर यांच्या घरापर्यंतचा परिसर पुढील अनिश्चित काळासाठी पूर्णवेळ बंद करून संचारबंदी जाहीर करण्यात आली आहे .

जिल्ह्याची चिंता वाढली ! आणखी 3 पॉझिटिव्ह; एकूण 41 बीड जिल्ह्याची चिंता आता दिवसेंदिवस वाढत आहे . जिल्ह्यातून दि. 23 रोजी पाठविलेले 43 स्वॅब नमुन्यांपैकी प्राप्त अहवाल पॉझिटिव्ह 3 असून  निगेटिव्ह 39 आले आहेत. तर 1व्यक्तींचा अहवाल (Inconclusive) आला आहे, अशी माहिती जिल्हा आरोग्य अधिकारी डॉ आर बी पवार यांनी दिली आहे*

खरीप हंगाम : ११ लाख शेतकरी खातेदारांसाठी ८ हजार कोटींची शासनाची हमी – सहकारमंत्री बाळासाहेब पाटील सातारा दि. 23 (जिमाका): खरीप हंगामासाठी राज्यातील सुमारे 11 लाख शेतकरी खातेदारांसाठी  8 हजार कोटींची हमी शासनाने घेतली आहे. राज्य शासनाने हा महत्त्वपूर्ण निर्णय घेतल्यामुळे  शेतकऱ्यांना खरीप पेरणीसाठी  कर्ज उपलब्ध होणार असल्याची माहिती सहकार व पणन मंत्री बाळासाहेब पाटील यांनी आज दिली. ज्या  शेतकऱ्यांनी अल्प मुदतीचे कर्ज घेतले होते, त्यांच्यासाठी राज्य सरकारने महात्मा जोतिराव फुले शेतकरी कर्जमुक्ती योजना जाहीर केली होती. याची कार्यवाही सुरू असतानाच दुर्देवाने कोरोनाचे महासंकट आले. या रोगाचा प्रादुर्भाव मोठ्या प्रमाणात झाल्याने  राज्यामध्ये लॉकडाऊन जाहीर झाला. प्रादुर्भाव रोखण्यासाठी सुरक्षित अंतर ठेवणे गरजेचे होते. यामुळे या योजनेच्या अंमलबजावणीमध्ये काही अडचणी निर्माण झाल्या. कर्जमाफीची जी अंतिम यादी राहिलेली आहे, त्या यादीमधील शेतकऱ्यांना कर्जमाफीचा लाभ मिळाला नाही. त्या शेतकऱ्यांचे जिल्हा मध्यवर्ती सहकारी बँक व इतर बँकांमध्ये कर्ज आहे या बँकांनी अशा शेतकऱ्यां...

वन्यजीव – मानव संघर्ष कमी करण्यासाठी लवकरच नवीन धोरण – वनमंत्री संजय राठोड चंद्रपूर येथील ५० वाघांचे लवकरच स्थानांतरण मुंबई, दि. २३ :-  राज्यातील वन्यजीव – मानव संघर्ष कमी करण्यासाठी लवकरच नवीन धोरण आणणार असल्याचे वनमंत्री संजय राठोड यांनी सांगितले. वन्यजीव – मानव संघर्ष कमी करणे तसेच राज्यातील काही वाघांचे एका ठिकाणाहून दुसऱ्या ठिकाणी स्थानांतरण या दोन्ही बाबींवर उपाययोजना सुचविण्यासंदर्भात वनमंत्री श्री. राठोड यांच्यासमोर वनभवन नागपूर येथे सादरीकरण करण्यात आले. त्यावेळी मंत्री श्री.राठोड यांनी ही माहिती दिली. प्रधान मुख्य वन संरक्षक श्री. काकोडकर व अन्य अधिकारी यावेळी उपस्थित होते. मंत्री श्री. राठोड म्हणाले, 1 जानेवारी 2020 ते 20 मे 2020 या कालावधीत राज्यात वेगवेगळ्या घटनांमध्ये वाघांच्या हल्ल्यात 12 जणांचा तर एका अन्य वन्यप्राण्याच्या हल्ल्यात एका व्यक्तीचा अशा एकूण 13 जणांचा मृत्यू झालेला आहे. तसेच काही ठिकाणी माणसांच्या हल्ल्यामध्ये किंवा इलेक्ट्रीक तारेचा स्पर्श झाल्यामुळे वन्यप्राण्यांचा मृत्यू ...

बायोमेट्रिक पद्धत रद्द करणेबाबत एमसीआयकडे आग्रह धरू – वैद्यकीय शिक्षण मंत्री अमित देशमुख लातूर दि.२३ :  कोविड-१९ विषाणुचा प्रादुर्भाव वैद्यकीय महाविद्यालयांतील अध्यापक (डॉक्टर) आणि अन्य कर्मचाऱ्यांना होऊ नये यासाठी खबरदारीचा उपाय म्हणून बायोमेट्रिक हजेरी पद्धत रद्द करून हजेरीपटाद्वारे हजेरी घेण्यात यावी, यासाठी भारतीय आयुर्विज्ञान परिषद अर्थात एमसीआयकडे आग्रह धरू, असे  वैद्यकीय शिक्षण मंत्री अमित देशमुख यांनी आज येथे सांगितले. शासकीय वैद्यकीय महाविद्यालयांमध्ये बायोमेट्रिकद्वारे हजेरी घेण्यात यावी अशा सूचना भारतीय आयुर्विज्ञान परिषदने अलीकडेच दिल्या होत्या मात्र, सध्याची परिस्थिती पाहता अध्यापकांना तसेच कर्मचाऱ्यांसाठी हजेरीपटाद्वारे हजेरी घेणेच सुरक्षित असल्याने बायोमेट्रिक पद्धत तातडीने बंद करावी तसेच शासकीय वैद्यकीय महाविद्यालयांमध्ये उपस्थिती नोंदविण्यासाठी लवकरच फेसरीडर बसविण्याच्या सूचनाही वैद्यकीय शिक्षण मंत्र्यांनी दिल्या आहेत. बायोमेट्रिकमुळे कोरोनाचा प्रसार होऊ शकतो हे लक्षात घेऊन केंद्र व राज्य शासनाने आदेश काढून बायोमेट्रिक हजेरी बंद केली आहे. त्यामुळे शासकीय वैद्य...